2/1/14

Ixuxú Asturies-Euskal Herria Elkartea entama una campaña de socios pa un 2014 "con abondo más"

Ixuxú cumple un añu d'actividaes, y abre una campaña de socios que sofiten la so iniciativa. Nel mes de xineru, Ixuxú Asturies-Euskal Herria Elkartea cumple un añu. Doce meses dando a conocer la realidá social y cultural asturiana n’Euskal Herria; acercando a los dos pueblos; trayendo tamién un cachín d’Euskal Herria a Asturies. A la fin, doce meses d’internacionalismu y de fomentu de la interculturalidá. A finales d’esti añu, los sos impulsores rexistraron Ixuxú oficialmente como asociación cultural na CAPV. D’esta mena, entamen agora una campaña de socios y socies col oxetivu de sumar apoyos y fuercies pa poder siguir faciendo les sos actividaes nunes condiciones dignes.Como aiciones más inmediates, señalen la fechura y edición del “Dossier 2014 Txostena” y los actos d’aniversariu d’Ixuxú. Ye por ello que proponen varies formes pa collaborar con esta iniciativa: Mediante la fórmula de "Sociu usuariu", pa los axentes socioculturales que quieran accesu a tolos sos servicios -promociones, distribución, organización d'eventos, descuentos, etc- por 10 euros mensuales. Otres formes de collaborar ye como "Sociu collaciu", fórmula qu'ufre a cambiu d'una cuota mensual de 5 euros da drechu al regalu de 5 discos del so catálogu, amás de descuentos nes sos actividaes y materiales. Pa finar, ta la opción de "sociu collaciu con cuota amenorgada", por un euru mensual y el drechu a regalu d'un discu compilatoriu y descuentos nos sos materiales. + info Fonte: infoasturies

No hay comentarios:

Publicar un comentario

Los comentarios tán pendientes de moderación. Espublizaránse lo primero dable.