El reglamentu del Premiu al Pueblu Exemplar, qu’entama la Fundación Príncipe de Asturias, espublizóse n’asturianu y gallego-asturiano, amás d’en castellanu. Ésta ye la primer vez que la entidá utiliza les trés llingües que se falen nel país.
El Serviciu de Política Llingüística collaboró cola Fundación pa tornar esti reglamentu tanto a l’asturianu como a la fala, fechu que destaquen dende la propia organización nuna nota de prensa. D’esta forma, les poblaciones interesaes n’algamar esti gallardón con repercusión a nivel estatal y una recompensa económica de 25.000 euros van poder consultar les bases del premiu y presentar la candidatura na llingua propia de la so zona.
Teberga, Pueblu Exemplar d'Asturies 2013
En concreto, pueden aspirar al XXV Premiu al Pueblu Exemplar d’Asturies el “pueblu, aldea, nucleu de población, espaciu paisaxísticu o grupu humanu del Principáu d’Asturies que destacara de mou notable na defensa y conservación del so entornu natural, ambiental, del so patrimoniu históricu, cultural o artísticu, o tamién na realización d’obres comunales u otres manifestaciones de solidaridá sobresalientes”. El plazu de presentación de candidatures p’asoceder nel palmarés del gallardón a la comunidá vecinal de Teberga fina’l 7 d’agostu. Fonte: Asturies.com
Pasu a pasu camínase seguru... pero con la oficialidá, munchu meyor y bien seguru.
ResponderEliminarYe una decisión bien importante pa la llingua.
ResponderEliminarHan d'estender l'usu del n'asturianu a toles sos actividaes p'amosar que son una institución llantada n'Asturies. Entamando pol so nome.
ResponderEliminarLes coses van poniéndose nel so llugar, vamos camín de lal normalización, anque daqué adulces. Pero camínase.
ResponderEliminarA la fin paez qu'usen l'asturianu.
ResponderEliminarPal próximu embite n'asturianu pa tolos Premios Príncipe d'Asturies, vamos comprobalo aína.
ResponderEliminarTeberga qué guapa ye.
ResponderEliminarL'oficialidá yá, porfa...
ResponderEliminar¿Oficialidá? tamos llistos.
ResponderEliminar